सैनामैनाको बिकासको काम अब तिव्र रुपमा अगाडी बढ्ने सैनामैनाका नगर प्रमुख चित्र बहादुर कार्कीले बताउनु भएको छ । आज सैनामैना वार्ड नं ७ लम्टैयामा स्टार स्पोर्टस क्लबले आोजना गरेको क्रिकेट प्रतियोगितालाई सम्बोधन गर्दै सो बताउनु भएको हो । नेपाल सरकारका पुर्व अर्थमन्त्री, नेकपाका महासचिव एवं रुपन्देही क्षेत्र नं २ का निर्वाचित सांसद मा. बिष्णु पौडेलको पहलमा सैनामैनामा करिब ४५ करोड रकम बिनियोजन भएको जानकारी दिदै प्रमुख कार्कीले अब सैनामैनाका हरेक बिकास योजना तिव्र गतीमा अगाडी बढ्ने बताउनु भएको हो ।

सैनामैनामा दास्रो चरणको टिफिन वितरण
सैनामैना नगरपालिकाले शिक्षा क्षेत्रलाई विशेष प्रथामिकता दिएर सामुदायिक विद्यालयमा विभिन्न कार्यहरु गरिरहेको छ । जस अन्र्तगत नगरले सामुदायिक विद्यालयका बालबालिकाहरुका लागि टिफिन बक्स वितरण सुरु गरेको छ । सैनामैनामा रहेका १८ वटै सामुदायिक विद्यालयहरु ३६०९ वटा टिफिन बक्स वितरण गर्ने लक्ष्य अनुरुप यस अघि नै १४ वटा सामुदायिक विद्यालयका करिब २ हजार ९ सय वटा टिफिन वितरण गरेको थियो भने आज थप ४ वटा सामुदायिक विद्यालयका ७०९ जना बालबालिकाहरुका लागि टिफिन बक्स वितरण गरेको छ ।
नगर प्रमुख चित्र बहादुर कार्कीले विद्यालयमा खाने गरिएका जङ्कफुड्लाई निरुत्साहित गरी साना वालवालिकाहरुलाई घरमा तयार गरिएको खाजा खानेवानीको विकास गर्न टिफिन वक्स वितरण गरिएको जानकारी दिनुभयो । उहाँले भन्नुभयो – ‘ घरमा तयार गरिएको खाजा विद्यार्थी भाईबहिनीहरुले विद्यालयमा लिएर आए मात्र जङ्कफुड् निरुत्साहित गर्न सहज हुनेछ ।

नगरका प्रमुख प्रशासकीय अधिकृत टेकराज पन्थीले विद्यालयमा जङ्कफुड् पुर्ण रुपमा निशेधित गर्न संस्थागत विद्यालयहरुलाई निर्देशनात्मक आग्रह गरिने बताउनुभयो ।