सैनामैनामा देशकै पहिलो स्मार्ट रिफ्रेस सेन्टर बन्ने भएको छ । लुम्बिनी प्रदेश सरकारको साढे ३ करोड बढी लागतमा रिफ्रेस सेन्टर निर्माण हुने भएको हो । पुर्व–पश्चिम लोकमार्ग अन्तरगत सैनामैनाको वडा नम्बर ९ पिपल डाँडामा निर्माण गर्न लागिएको अत्याधुनिक रिफ्रेस सेन्टरमा लामो दुरीका सवारीका चालकहरुलाई सुत्न समेत मिल्ने गरी आराम गर्ने व्यवस्था तथा यात्रुहरुले समेत आराम गर्न पाउने गरी रिफ्रेस सेन्टर निर्माण हुने भएको हो । अाज शुक्रबार आयोजनाको लुम्बिनी प्रदेशका मुख्यमन्त्री शंकर पोखरेलज्यूले शिलान्यास गर्नु भएको छ ।

सैनामैना नगरपालिकाले नगर भित्रका हाट बजारहरु ब्यवस्थित बनाउनका लागी आधुनिक र सुबिधा सम्पन्न हाट बजार निर्माण गर्दै छ । हाट बजार निर्माण भई संचालनको अन्तिम तयारीमा रहेको छ । सैनामैना ८ मा निर्माण भईरहेको हाट बजारको अवलोकन गर्दै सैनामैनाका नगर प्रमुख चित्र बहादुर कार्की, उपप्रमुख बिना राना, जनप्रतिनिधि, योजना प्रमुख सुरज न्यौपाने, प्राबिधिक लगायतको टोली

अन्तर्राष्ट्रिय ज्येष्ठ नागरिक दिवसका अवसरमा सैनामैना नगरपालिकाले ज्येष्ठ नागरिकहरुलाई सम्मान गरेकाे छ । याे बर्ष काेराेनाकाे कारण सबै ज्येष्ठ नागरिकहरुलाई एकै ठाउमा भेला गराएर सम्मान गर्न सम्भव नभएकोले प्रत्येक वडामा नगर प्रमुख अाफै उपस्थित भएर प्रतिनिधि मुलक हिसाबले सम्मान गर्नु भएको छ । सम्मान गर्दै नगर प्रमुख चित्र बहादुर कार्कीले जीवनको अधिकांश समय क्रियाशील रही आफ्नो ज्ञान, सीप, अनुभव र ऊर्जालाई समाजोपयोगी कार्यमा लगानी गर्नु भएका ज्येष्ठ नागरिकहरू राष्ट्रका धरोहरका रूपमा आदरणीय रहेकाे बताउदै सबै ज्येष्ठ नागरिकको सुखी, स्वास्थ्य र सम्मानित जीवनकाे कामना गर्नु भएको हाे।